Zibil qutusunda meyid tapıldı

Zibil qutusunda meyid tapıldı “Qafqazinfo” xəbər verir ki, Suraxanı Rayon Polis İdarəsindən Sputnik Azərbaycan-a verilən məlumata görə, Suraxanı rayonunun Bülbülə qəsəbəsində zibil qutusunda kəsilmiş kişi əli tapılıb.

.

Bədən üzvünə baxış zamanı əlin balta vasitəsilə kəsildiyi müəyyən edilib. Ekspertlər əlin üzərində döymə aşkarlayıblar. Döymədə nərd oyunu zamanı istifadə edilən 5 nöqtəli zər təsvir olunub. Kriminal aləmdə belə döymələr onun sahibinin həbsxana müddətini təkadamlıq kamerada keçirdiyini ifadə edir. Lakin barmaq izlərinin olduğu məlumat bazasında aparılan araşdırmalar kriminalistlərə heç bir ipucu verməyib. Böyük ehtimalla qətlə yetirilmiş şəxs əvvəllər Rusiyada, ya da digər MDB ölkəsində həbsdə yatıb.

Hüquq müdafiəçisi, penitensiar sistem üzrə mütəxəssis Eldar Zeynalov bildirib ki, kriminal dünyanın qanunlarına görə, adətən təkadamlıq kamerada cinayətkar avtoritetlər oturur. Onları hətta digər cinayətkarlardan da təcrid edirlər. Eyni zamanda, təkadamlıq kameralara o adamları yerləşdirirlər ki, onların qaydaları pozmaq təhlükəsi var, yaxud da onların şəxsi həyatı təhlükə altındadır.

İstintaq-əməliyyat qrupu, hələlik bədənin tapılmış hissəsi əsasında nəsə deməyə çətinlik çəkir. Cinayətin tam mənzərəsinin aydın olması üçün onlar bədənin digər hissələrinin də tapılmasını gözləyirlər.

Faktla bağlı AR Cinayət Məcəlləsinin 120-ci maddəsi (qəsdən adam öldürmə) ilə cinayət işi açılıb.

Kriminal   Baxılıb: 2019   Tarix: 2018-08-25



DİGƏR MARAQLI XƏBƏRLƏR